web stats

ವಿಧ್ಯಾರ್ಥಿಗಳನ್ನು ಸೆಳೆದ ಮೌಂಟ್ ವ್ಯೂ ಎಜು ಕಾರ್ನಿವಾಲ್

ಮಧುಗಿರಿ: ಮಕ್ಕಳಲ್ಲಿ ಅಡಗಿರುವ ಪ್ರತಿಭೆಗಳನ್ನು ಹೊರಹೊಮ್ಮಲು ಈ ಕಾರ್ಯಕ್ರಮ ಸಾಕ್ಷಿಯಾಗಿದೆ ಎಂದು ಡಿಡಿಪಿಐ ಮಾಧವರೆಡ್ಡಿ ತಿಳಿಸಿದರು.

ಪಟ್ಟಣದ ವಿದ್ಯಾನಗರದ ಮೌಂಟ್ ವ್ಯೂ ಪಬ್ಲಿಕ್ ಶಾಲೆಯಲ್ಲಿ ನಡೆದ ಮೌಂಟ್ ವ್ಯೂ ಎಜು ಕಾರ್ನಿವಾಲ್ 2025ರ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅವರು ಇತ್ತೀಚಿನ ಎಐ ಜಗತ್ತಿನಲ್ಲಿ ವಿಧ್ಯಾರ್ಥಿಗಳಿಗೆ ನೂತನ ಮಾದರಿಗಳನ್ನು ಅವಿಷ್ಕಾರಗೊಳಿಸಲು ವಸ್ತು ಪ್ರದರ್ಶನಗಳು ಅವಶ್ಯವಾಗಿವೆ. ಮಕ್ಕಳು ಈ ವಸ್ತು ಪ್ರದರ್ಶನದಲ್ಲಿ ಹೆಚ್ಚು ಆಸಕ್ತಿಯಿಂದ ವಿವಿಧ ಚಟುವಟಿಕೆಗಳಿಂದ ತೊಡಗಿಸಿಕೊಂಡಿದ್ದಾರೆ ಎಂದರು.

ಪಠ್ಯಗಳಲ್ಲಿ ಅಡಕಕವಾಗಿರುವ ವಿಷಯಗಳನ್ನು ಕ್ರೋಡಿಕರಿಸಿಕೊಂಡು ಮಾದರಿಗಳನ್ನು ತಯಾರಿಸಿದ್ದಾರೆ ಹಾಗೂ ಈ ವಸ್ತು ಪ್ರದರ್ಶನದಲ್ಲಿ ಕುವೆಂಪು ರವರ ಕವಿಶೈಲ ಹಾಗೂ ಕರ್ನಾಟಕದ ನಕ್ಷೆಯಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಬೆಳೆಯುವ ಬೆಳೆಗಳ ಬಗ್ಗೆ ಸಮಗ್ರ ಮಾಹಿತಿಯನ್ನು ನೀಡಿರುವುದು ಮಕ್ಕಳಿಗೆ ಅರ್ಥಗರ್ಭಿತವಾಗಿದ್ದು ಈ ವಸ್ತು ಪ್ರದರ್ಶನವು ಸಮಗ್ರವಾಗಿ ಮೂಡಿ ಬಂದಿದೆ ಎಂದರು.

ಬಿಇಓ ಹನುಮಂತರಾಯಪ್ಪ ಮಾತನಾಡಿ ಮೌಂಟ್ ವ್ಯೂ ಶಾಲೆಯಲ್ಲಿ ವಸ್ತು ಪ್ರದರ್ಶನ ವು ಅತ್ಯುತ್ತಮ ವಾಗಿ ಮೂಡಿ ಬಂದಿದ್ದು ಕೃಷಿ,ವಿಜ್ಞಾನ, ಕಲೆ,ಸಾಹಿತ್ಯ,ಅರಣ್ಯ ಸಂಪತ್ತಿನ ಮಕ್ಕಳಿಗೆ ಅನುಭವಸ್ಥ ಕಲಿಕೆಗೆ ಬಗ್ಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ.ಕೇವಲ ಪಠ್ಯ ಪುಸ್ತಕ ಗಳಲ್ಲದೆ ಮಾದರಿಗಳನ್ನು
ಮಕ್ಕಳಿಗೆ ಮುಟ್ಟಿ ನೋಡುವಂತಹ ಅನುಭವ ಇದಾಗಿದ್ದು ಶಿಕ್ಷಕರು ಮತ್ತು ವಿದ್ಯಾರ್ಥಿಗಳು ಬಹಳ ಕ್ರಿಯಾವಶೀಲಾವಾಗಿ ವಸ್ತು ಪ್ರದರ್ಶನದಲ್ಲಿ ತೊಡಗಿಸಿ ಕೊಂಡಿದ್ದಾರೆ ಎಂದರು.

ಖಾಸಗಿ ಶಾಲೆಗಳ ಒಕ್ಕೂಟದ ಅಧ್ಯಕ್ಷ ಎಂ.ಎಸ್ ಶಂಕರನಾರಾಯಣ ಮಾತನಾಡಿ ಈ ಶಾಲೆಯು ನಿವೃತ್ತ ಮುಖ್ಯ ಶಿಕ್ಷಕ ದಿ.ಸಿದ್ದಗಂಗಪ್ಪನವರ ಮಾರ್ಗದರ್ಶನದಲ್ಲಿ ಆರಂಭಗೊAಡು 25 ವರ್ಷಗಳಾಗಿದ್ದು ವರ್ಷದಿಂದ ವರ್ಷಕ್ಕೆ ವಿಭಿನ್ನವಾಗಿ ಕಾರ್ಯಕ್ರಮಗಳನ್ನು ಆಚರಿಸಿಕೊಂಡು ಬರುತ್ತಿದ್ದಾರೆ. ಈ ವಸ್ತು ಪ್ರದರ್ಶನದಲ್ಲಿ ರಾಜ್ಯಕ್ಕೆ ಸಂಬAಧಪಟ್ಟ ಕಲೆ ಸಾಹಿತ್ಯ ಹಾಗೂ ವಿವಿಧ ಮಾದರಿಗಳನ್ನು ಮಾಡುವಲ್ಲಿ ವಿದ್ಯಾರ್ಥಿಗಳು ಅತ್ಯಂತ ಯಶಸ್ವಿಯಾಗಿ ತಮ್ಮ ಅನುಭವಗಳನ್ನು ಹಂಚಿಕೊAಡಿದ್ದಾರೆ ಎಂದರು.

ವಸ್ತು ಪ್ರದರ್ಶನದಲ್ಲಿ ಸುಮಾರು 600 ಕ್ಕೂ ಹೆಚ್ಚು ಮಾದರಿಗಳನ್ನು ವಿದ್ಯಾರ್ಥಿಗಳು ಮಾಡಿದ್ದು ಸುಮಾರು 250 ಹೆಚ್ಚು ಜನರು ಮಾದರಿಗಳ ಬಗ್ಗೆ ಕನ್ನಡ ಇಂಗ್ಲೀಷ್, ತೆಲುಗು ಭಾಷೆಯಲ್ಲಿ ಶಾಲೆಯ ವಸ್ತು ಪ್ರದರ್ಶನದ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊAಡರು. ಸರಕಾರಿ ಹಾಗೂ ಸರಕಾರಿ ಅನುದಾನಿತ ಹಾಗೂ ಖಾಸಗಿ ಶಾಲೆಯ ಸುಮಾರು 2500 ಕ್ಕು ಹೆಚ್ಚು ವಿಧ್ಯಾರ್ಥಿಗಳು ಭಾಗವಹಿಸಿದ್ದರು.