ಶಾಸಕರ ಎಚ್ಚರಿಕೆ ನೀಡಿದರೂ ಕ್ಯಾರೆ ಎನ್ನದ ಅಧಿಕಾರಿಗಳು

ಮಧುಗಿರಿ: 2012-13 ರಲ್ಲಿ ಹದಗೆಟ್ಟಿದ್ದ ದೊಡ್ಡಮಾಲೂರು ಕೆರೆ ಏರಿಯನ್ನು ಅಂದಿನ ಅವಧಿಯಲ್ಲಿ ಶಾಸಕರಾಗಿದ್ದ ಕೆ.ಎನ್ ರಾಜಣ್ಣ ಸುಸಜ್ಜಿತ ಕೆರೆ ಏರಿ, ಸುಸಸಜ್ಜಿತ ರಸ್ತೆ ಹಾಗೂ ಬೀದಿ ದೀಪಗಳನ್ನು ಅಳವಡಿಸಿದ್ದು ಇದೀಗಾ ಮತ್ತೆ ಕೆರೆ ಏರಿಗೆ ಕತ್ತಲು ಆವರಿಸಿಕೊಂಡಿದೆ.

ಹೌದು ಮಧುಗಿರಿ ತಾಲೂಕಿನ ಕೊಡಿಗೇನಹಳ್ಳಿ ಹೋಬಳಿಯ ದೊಡ್ಡಮಾಲೂರು-ವೆಂಕಟಾಪುರ ನಡುವಿನ ಕೆರೆ ಏರಿ ಮೇಲೆ ಸಂಪೂರ್ಣ ಕತ್ತಲಾಗಿದ್ದು ಪ್ರತಿ ನಿತ್ಯ ಹೂವಿನ ವ್ಯಾಪಾರಿಗಳು ವಾಯುವಿಹಾರಕ್ಕೆ ತೆರಳುವವರು ಕತ್ತಲಿನಲ್ಲಿ ಸಂಚಾರ ಮಾಡಬೇಕಿದೆ.

ಇತ್ತೀಚಿಗೆ ಕೊಡಿಗೇನಹಳ್ಳಿ ಖಾಸಗಿ ಕಾರ್ಯಕ್ರಮಕ್ಕೆ ತೆರಳುತಿದ್ದ ಶಾಸಕ ಕೆ.ಎನ್ ರಾಜಣ್ಣ ಕೆರೆ ಏರಿ ಮೇಲಿನ ಕತ್ತಲನ್ನು ಕಂಡು ಕೊಡಿಗೇನಹಳ್ಳಿಯಲ್ಲಿ ದೂರವಾಣಿ ಮೂಲಕ ಸಂಬAಧಪಟ್ಟ ಅಧಿಕಾರಿಗಳಿಗೆ 24 ಗಂಟೆಯಲ್ಲಿ ಸದರಿ ಕೆರೆ ಏರಿ ಮೇಲಿನ ಬೀದಿ ದೀಪಗಳು ದುರಸ್ಥಿ ಮಾಡಲು ಎಚ್ಚರಿಕೆಕೊಟ್ಟು 48 ಗಂಟೆ ಕಳೆದರೂ ಇದುವರೆಗೂ ಯಾವ ಅಧಿಕಾರಿಯು ಇತ್ತ ಸುಳಿದಿಲ್ಲ. ಶಾಸಕರ ಮಾತಿಗೆ ಬೆಲೆ ನೀಡುತ್ತಿಲ್ಲ ಎಂಬ ಪ್ರಶ್ನೆ ಕೇಳಿ ಬರುತ್ತಿದೆ. ಇದು ಅಧಿಕಾರಿಗಳ ಆಡಳಿತ ವೈಖರಿಯ ನಿರ್ಲಕ್ಷö್ಯಕ್ಕೆ ಸಾಕ್ಷಿಯಾಗಿದ್ದು ಸಂಬAಧಪಟ್ಟ ಅಧಿಕಾರಿಗಳು ಇನ್ನಾದರೂ ಈ ಬೀದಿ ದೀಪಗಳ ವ್ಯವಸ್ಥೆ ಸರಿಪಡಿಸುತ್ತಾರ ಕಾದು ನೋಡಬೇಕಿದೆ.